دیاری بو عبدال نوری
ھەمی دەما ئەو پرس ل دەف تە دروست دبو کا قومار چیە؟ ھەڤالێن تە بەرسڤ ددا و دگوت قومار چەنسە! تو نزانی کا دێ چ ھێتە د دەستێ تەدا. چ د دەستێ ھەڤالێ تە دا یە.دێ چ کێشی، تو قەت ب وێ بەرسڤێ قەیل نە دبویی، مەلایی ڤێ ئەینیێ ل سەر مینبەرێ گوت قومار کارێ شەیتانی یە، باشە کو قومار چەنس بت و کارێ شەیتانی بت ما کەنگی شەیتان ب چەنس بو. ل سەر دنیایێ و ل بن دنیایێ ھاتە رەجماندن چەنسێ ماڵک وێرانی د کیرێ رایە، بەس ما کی نابێژت وەختێ بو ئادەمی نە چویە سوجدێ. وی ژ خوە ڕا گوتیە. کا دا قومارەکێ بکم و نەچم سوجدێ بەلکی خوەدێ بێژت ئەڤ فریشتە چ قاس ب ئاقل و بلیمەتە. و ھەکە خەلەت ژی بو دێ لێبورینێ خوازم، ئەگەر وەسان بە خوەدێ د قومارێ دە ب سەر کەفتیە، ژبەرکو تەنێ د قومارێ دە خەلەتی ب لێبورین ناھێت قەبول کرن. گەلو ھوسا کی دبە قومارچی خوەدێ یان شەیتان. یان بێژن قوماری کارێ کێ یە.
جارنا بیرا تە ل بیردوزا ئەنیشتاین دھات. وی دگوت چ تشتەک دڤی گەردونیدا چەنس نینە، ھەر تشت ب مێشکی و زانستی ڤە گرێدایی یە. وی بەحسا زاڕێن یاریا تاولێ دکر. دگوت ھلاڤێتنا زاڕا تو پەیوەندی ب چەنسی ڤە تونەیە، دەما کو تو گرانەھیا زاڕا بزانی ھێزا دەستێ خوە بزانی ھێزا ڕاکێشانێ بزانی. تو چ بخوازی دێ وێ بینی. تەژی ھەردەم ژ ھەڤالا رە دگو یاریا پەرکانێ ماتماتیکە ژ کاغەزا یەکێ ھەتا یا داویێ گەرەک بخوینی بزانی چ دچە چ دمینە تو وەسان بێی ھەبونا چەنسی دێ کونترولا یاریێ بکی، لێ تەحەم ب ڤێ بیردوزێ تو ھەر تم خوەسارەت دبوی.
پرجاران رەخنەگر و یاخی بویێن مە دگۆ: رێبەر و سەروک و سیاسێن مە ئەڤ مللەت ل قومارێ دایە.
ئەز ل سەر ڤێ مژارێ وێ روژێ پر فکریم. من دیت رەخنەیەک شاشە. گەلو ئەگەر رێبەر و سەروکێن مە د قومارێ دە سەرکەفتبان وی دەمی ما یەکێ د کارێ بێژت مللەت ل قومارێ دا و چەنسێ وان ھات و سەرکەفتن و ئەم کرن دەولەت، نا ھوین ھەموو دابێژن کەسێن پیروزن سیاسی نە سومبولن. ئەڤ مەنتالیت پر شاشە. ھوین ھەو فام دکن کو قومارچی ھەرتم خوەسارەت دبن. ژمێژە ئەز دبھیسم فلانی مالێ خوە ل قومارخانێ وندا کر. فلانی ترومبێلا خوە ل قومارێ دا. ھەی ھو ..! فلانی حاشا ناموسا خوە ژی ل قومارێ دا. چما ھەتا نھا من نەبھیستی یە بێژن فلانی قەت تشتەک نەبو پارەیێ وی ھەموو یێ قومارێ یە چەنسێ وی باشە قازانج کر، چ قاس نە دادپەروەریی یە، ھەموو کەس خوەسارت بویێن قومارێ ناسدکن. لێ کەس وی ناس ناکە یێ قازانج کری،ئەگەر باوەریا مە ب چەنسی ھەبە ھەرتشت قومارە ژبەرکو چەنس د ھەرتشتی دا ھەیە. کو باوەریا مە ب زانستی ھەبە قومار زانستە و تنێ کەسێن زانا قازانج دکن. لێ ئەز ب خوە ژی نزانم کا زانستە یان چانسە!
ڕۆژ ب ڕۆژ تو بێزار دبی، خەونێن تە وەکو شەرابا کەنیسە و کنیشتا کەڤن دبن،ھەلبژارتنا فورمەکێ ژیانێ بوتە پڕ زەحمەتە، ژبەرکو دەم دەرباز بویە، نھا دەمێ ژیانێ یە نە دەمێ ھەلبژارتنا فورمێ وێ یە، تو پڕ عەجێبی، ژ رابردویێ خوە قەت پوشمان نینی و ژیا نھاژی تو جار رازی نینی تو چ دخوازی؟ ئەڤ پرس یا مەعشوقا تە بو ئەو خەنما کوافیر، ھەرتم دگو تو چ دخوازی؟ وێ روژێ تە گوت وێ ژی ئەز ل قومارێ دام
- رەبەنا خوەدێ چ ژ قومارێ دزانە؟
- کەس وەکو ژنێ نزانت قومارێ بکت. ئەز ب بەروکا خوە دکم. وێ ژی تو بەریک تونەنە. تەنێ جوانیا خوە ھەیە. ب وێ جوانیێ قومارێ دکە، کەسێن وەک من پێ قازانج دکە. داھاتێ قومارێ پر بێ قیمەتە. بێ زەحمەت دھێ ڤێجا یان جاردن ل قومارێ ددە یان ژی وندا دکە.
- ئانکو تو داھاتیێ قومارا وێ بویی
- بەروڤاژی ژی ھەردروستە!
گوتنا تورکا ل بیرا تەھات، ئەو دبێژن یێن کو د عەشقێ دا خوەسارت بوین د قومارێ دا قازانج دکن،
- خوەلی سەرو ماتە دکیژانێ دا قازانج کریە.
- یا من پر زەحمەتە، من د عەشقێ داقومار کر و ل قومارێ عاشق بوم. خوەزی کو مەعشوقا من نە چوبا بلا تو جار د قومارێ دە من قازانج نەکربا. یان د قومارێ دە من قازانج کربا سەرکێ صه ی د دەڤی دە بت بلا وەلی ببا.دەردێ من ژی ئەوە ھەردوو چون.
- خەونەک من نەدیت
وەکو ھەموو شەڤا سەرخوەش و خوەسارەت تو ڤەگەریایی مالێ، گوتنا تورکا ل بیرا تە ھاتە ڤە. تە گوت یێ ل قومارێ خوەسارەت ببت گەرەک د عەشقێ دا قازانج بکت، داوی سلاڤ تە ژ بو مەعشوقا خوە شاند، کا چەوان سلاڤ ژ گورا باپیرێ تە ھات وەسان سلاڤ ژ وێ ھات تو رازایی و تە د خەونێ دا نەدیت
(فریشتا ب پەڕ،خوەدیا چاڤێن ھویر،بەژنا کارغەزالا. ل سەر جادێ دکە قێری دکە ھەوار، د ناڤ حەشامەتا مروڤان دە تە ئەو ناسکر، تە خوە نێزیک کر. بەلێ ئەوە. چ دکە ل ڤر چ دخوازە، وێ تو ناسکری . کنجێن خوە ژ بەر خوە کرن،تازی چیپلاق ل سەر وێ جادێ خوە نمایشکر.ھەر چ نڤیسکار ھونەرمەند قومارچی مەلا ھەنە لێ کوم ببون، وێ ب دەنگێ خوەیێ شکەستی گوت: وەرن ئەم قومارێ بلیزن ئەز ب ڤی لەشی و ھوین ب وژدانا خوە، کێ قازانج کر ل وی پیروزبە)
روژ ژ سڤاندێ دەرباز بو تو ژ خەو رابویی. تە گوت تریاتوک ھەکە تە وژدان ھەبا دا بەرسڤا سلاڤێ بدی.
دەمەک خرابە تو تێدا ژیان دکی، جارنا دەم ھەنە مروڤ تێدا بژی یان مری بە تو جوداھی نینە،ژبۆ وێژی تو پر درزای، کەسێن کو گەلەک درازن، ئەون یێن بێ حەمد ژ مرنێ حەزدکن، تو ھەو بەختەوەری کو نەفکری. ل خەونێن خوە و کەتواری مەیزە نەکی. ھەرتم سەرخوەش بی رێکا مالێ و مەیخانێ و قومارخانێ وندا نەکی، سەرخوەش ب رازی، و پشتی ژ خەو ھشیاربونێ کارێ سەرخوەشیێ بکی.تو ئێدی ئەو زەلامێ جددی نینی،بو چ بکم بو کێ بکم؟ سترانا محەمەد شێخو گوھێن من برن
من ھو نەڤیا بەس ھوسا ھات
تو ل من نەگرە خاک و وەلات
گەردەنا تە ئازا وەلات
گەردەنا من تو ئازاکە
دنیا مەرگ و مرنە وەلات
ئەڤرو وەکی سرا ئاشی ب شەق و پێنا دورا معاشێ خانەنشینا ھات. تە ئەو برتە معاشێ دایکا خوە ل بەروکا خوە کر. ب مەغروری قەستا قومارخانێ کر.تە معاش ل مێزێ دا و گوت:ئەڤە ستوک و کەر د بابێ وی بنن یێ من خوسارت نەکت. ئەز د عەشقێ دا ھند خوەسارەت بوم من توبەکر, ڤێجا رەحمەت ل مریێن وی یێ من خوسارەت بکت و ڤێ شولا پیچ ب من بدتە توبەکرن، تە دەست پێکر، تو ئێدی نەمایی عاشقێ قومارێ، ھەر چ خەلەتی ھەیە تە ب قەست و بێ قەست کر،تو ب لەز بویی پارێ تە زوو بچت. زوو ڤەگەریە ناڤ زاروکێن خوە و ڤێ پیچە شولێ بھێلی و بو خوە ل کارەکێ بگەریی. چەند شەڤ دەربازدبو پارێن ل بەر سینگێ تە پتر لێ دھاتن. ھەتا ب حیلە و تەشقەلا ژی ھەڤالێن تە نەشیان تە خوەسارت بکن. تە بەروکێن وان خالی کرن. ھەڤالێ تە یێ زراڤ درێژ گوت: بابو ئەڤ شەڤە قوزێ مێ گورگێ یێ ب تە ڤە کی دێ شێتە تە. تە گورزێ پارا راکر و قەستا مال کر. سترانا ھوی مەمو ما ب ئەزمانێ تەڤە. ھەی گوی ل گوتنا تورکا بت ھەی گوی ل زانستێ ئەنیشتاین بت. مە چ دخواست و چەوا چێبو، بەری تو بگەھیە مال زەنگا تەلەفونا تە لێدا. تە دیت کو مەعشوقا تەیە. تە ژ بنێ پیا کرە کەنی و گوت: من عەشق و قومار توبەبن.
ھەلکەت ئدریس عابد
٤/٦/٢٠١٧
ليست هناك تعليقات:
إرسال تعليق