د سپێده‌يه‌ك مژدارا توزگرتی دا بهه‌ناسه‌یێن وندابوویی، لده‌ردۆرا وارگه‌هێ ب جووته ئاور چاڤێن تووژ ره‌وش دشوپاند. بێده‌نگیێ سه‌رێ خوه دابوو به‌رخوه ئاراميیا ده‌روونێ ته‌ڤ گياندارا مینا ئه‌ژديهايێ"لیڤی ئه‌تهان" دادقورتاند. قورمێن زمانێ مرۆڤان ب تێلێن رسيایی دهاتن پێچاندن، لالدبوون، نه‌ما ئێدی ئه‌و خره‌جر و تینا گه‌رما ئێتوونا پارڤه‌كرنا حه‌زره‌تێن د دلان و مێشكان بهێن كه‌دكاركرن و قالكرن. لالبوونێ هلمدانكا خوه په‌رده‌پوشی وارگه‌هێ كربوو. مينا ئێخسيره‌ك بێچاره، هه‌ركه‌سی ل پزيشكان دگه‌رييا، كو ده‌رمانه‌كی ژ بو ده‌ردێ خوه به‌لیبكن، لێ ئیدی وه‌سا خوه‌يايه كوليیان قورمێ زمانێ خه‌لكێن وارگه‌هێ خوارينه، لێ هێشتا هه‌موو ئورگانێن لاشه‌يان كاردكه‌ن، بێی كو به‌رهه‌مداربن، هه‌ست و بير حه‌زره‌ت قورمچی بوون دقركان دا.
_ چه‌وايی؟
_باشم! كوڕۆ چقاس پرسه‌ك گران و زۆره، ب سانه‌هی ناهێت بلێڤكرن.
_ئیرۆ چ ڕۆژه؟
_لاوو، ژ چه‌رخا گڵوبالا بێبه‌خت بپرسه، مروڤ دبێژه تو دگوهێ گایدا دخه‌وچوويه، ما كه‌نگی روژ و سال ماينه ژ بۆ مه.
_ئه‌رێ راسته ئه‌م دناڤا بازنه‌ك گرتیدا دزڤرن ژينا مه دووباره دبت. بچاخان هه‌مان ژیانه، گه‌ردوون ب قورنازی بمه دكه‌نت و دمه‌شت، دهه‌مان ده‌مدا ئه‌و دزانت ديروكا مه يا نه‌نڤێساندی گه‌له‌ك گرنگتر و ببهاتره ژيا خه‌لكی لسه‌رمه نڤێسایی.
راگه‌هاندنا وارگه‌هێ ئاگاهيێن عه‌ورێن هژيرا ددان وه‌شاندن. هێشتا كه‌ڤنه دارا هژيرا پيروز د كێله‌كا په‌رژانێ كه‌ڤنه‌‌ره‌زێ چراڤی دا، شاهێن ترسێ و برس باهوز و به‌فر نكاريبون وێ هشكبكن لبه‌رخوه ددا، به‌لگێن فره‌هـ و كه‌سكه زه‌ر، ب وان كه‌ڕكێن گروڤر ژ نوو هه‌لاتی سيبه‌را ژيانێ ددا وارگه‌هێ كو ژ فكار و مه‌ترسيان بپارێزه. لێ دوێ سپێده‌يێ دا، عه‌ورێن بكين و هێرس تۆزگرتی باروڤه‌يا ڤايروسی بسه‌ر به‌لگ و كه‌ركێن نه‌گه‌هشتی ئينابوون، به‌ریا خێڤه ببن مينا بومبا ناپال ئه‌و باراندبوون. هه‌ر كه‌سێ ئه‌و كه‌ڕكێن ره‌ق دديتن، وها هزردكر كو ئه‌و دشرينن و گه‌هشتینه و ئاماده‌ی خوارنێ نه له‌وما داكه‌تينه ژێر دارێ، ئه‌وعه‌وركی ببون زه‌رو هشكوڤه دهاتن خوياكرن، هنده‌كان خواستن ده‌ستبكه‌نێ ژوانڤه گه‌هشتینه، لێ گاڤا كه‌ڕكێن هژيرێ دكه‌لشاندن ناڤا هناڤێن وان هشكه زوها و بێجان ببوون. ڤايروسێن عه‌وروكی خوه نخافتبوون سه‌ر جانێ وان هند ژوان كه‌ركێن بێرح، هیڤی و خه‌ونێن پێشه‌روژێ هه‌بون، یێن دی ژی ژبه‌ر نه‌داديا وارگه‌هستانێ و فه‌راموشكرنا هێزا كه‌ركێن دار هژيرا پيروز دخواستن بفلتن ته‌ڤلی باروڤه‌يێن پاييزی ببن ل ئاليێ په‌ر‌ئاڤێن ده‌ريا بئارامی بخه‌ون. كه‌ڕكێن مایین ل هه‌مبێزا دارا پيروزدا، خوه لكونجكێن چه‌قاندا ليسدكرن، ل هه‌ناسه‌يێن ژینداركرنێ دا لێگه‌رین ددان پێشيا خوه. پرانيا وان ژی بێچاره و به‌هتی بوون، چ ژده‌ستێ وان نه دهات ژبلی درووڤه‌يا جه‌رگ شه‌واتێ و ته‌ماشه‌كرنا عه‌وران. دخواستن بفڕن داكو پوڕێ ستێرا شه‌بكن، بباسكێن شكه‌ستی دناڤ دووكێلا لده‌ردۆرا دارا پيروزدا دخوه‌ستن په‌يمانێن ژه‌هركری بهه‌رفینن، ئاگرێن لسه‌ر سنورێن ده‌ستكرد بگور و تينن چاڤسورن، بسالانه گيانێن پاكره‌وانان دبرژينن.
گاڤا هات لسه‌رهِشێ خوه ياخی ببوو ژ پاشڤه‌رووتيێ، به‌ربانگه‌ك زه‌رداڤی ببوو هنده روژئاڤا دبت، عه‌ردنيگاريا وارگه‌هێ بگه‌له‌مپه‌ری مژدار و تاری دبيت. وێ كێليكێ فامكر كو دخره‌جره‌ك گراندايه بخوه را گه‌نگه‌شێ دكه‌ت، تايه‌ك گه‌رمه‌ئامێز ئه‌و دناڤا چه‌ند پرسێن ژانداردا هێلابوو. ده‌ما ديتی براستی بهزاران كه‌ڕكێن دارا پيروز به‌ريا خێڤه ببن مينا زارويه‌ك به‌ريا ده‌می ژدايك دبت وه‌ه‌شيابوونه سه‌ر روويێ گه‌ردوونی، بازرگانيا ڤايروسێن گه‌ردوونی لده‌ردورا وان ديلانا مرنێ ددان پێش. ئیدی دارا پيروز ژی نزانت چما زارۆيێن وێ دوه‌شيين لبه‌ر چاڤا زوها دبن ئه‌و ژی بێده‌نگه.
ستويێ خوه زڤراند ديمه‌نه‌ك باڵكێش ديت.
_٢١ دلێن وه‌لاته‌كی دناڤا شه‌ره‌ك گراندانه، دگه‌ل مرن و ژييانه‌ك پرشه‌نگداردا كو خه‌ونێن خوه بجهـ
بينن، دناڤا تارييه‌كا چارئالی دا دبه‌رهنگاريا قورچه‌ك هه‌وايێ شرين دا مابوون نڤستی خواتر ژی نه‌خواستن ژ دارا پیروز و وارگه‌هێ. ديسان لالبوونێ جان وندا دكرن.............
نڤیسین: دیار مووسا
ليست هناك تعليقات:
إرسال تعليق