عەیشێ یا جیرانا مە

عەیشێ یا جیرانا مە

نڤیسین:ئەیمەن ئەکرەم

وەرزئ زڤستانێ يە، روناهيا هەيڤێ دێمێ ئەردى يێ رون كرى،
 بێدەنگيێ  ياخو بسەر هەر تشتەكى ڤەبەرداى بتنێ  ئەو تێ نەبيت، خڕ خڕا دەنگێ وێ مينا بزمارەكێ گوهێن مروڤى د سميت، ژنيشكەكێڤه دەنگێ مەلایى ئەو بێدەنگيه ڤەبرى و ديوارێن بێدەنگيێ هەرفاندن.

چاڤێن خو ڤەكرن لێ هێژ دلێ وێ يێ دخەو بو، دڤيا بێهنەكادى بنڤيت لێ شولێن وێ كەتبونه سەرئێك يا نەچار بو جهێن خو يێن گەرم ب جهـ بهێليت.

 كەڤنه بلوزەك دسەر كراسێ خورا كرێ و دەرسوكا خو لدور سەرێ خو ئالاند و قەستا لێنانگەهێ كر، چادانێن خو لسەر ئاگرى دانان و دپەنجەرێ را تەماشەى ژدەرڤەكر، روژەكا خوشە پشتى بارينا بە فرەكا زور، بەفرێ روويەكێ سپی یێ گەلەك جوان دابو ئەردى، دویكێلا سوپێن دارا و ديوارێن ئاخێ ديمەن گەلەك جوانتر كربوو دابێژى تابلویەكێ رەنگاو رەنگه، د وى دەميدا چاڤێن وێ ب تەنيرا دارا كەفتن، دونيا گه له ك يا ساربوو، لێ رێك لوێ نەگرت كو قەستا ژ دەرڤەبكه ت و هندەك دارا بكەتە د تەنیرێ دا، پشتى ئاگر هەلكرى هەر زوى قەستا ژورڤەكر و دەست ب شێلانا هەڤيرى كر، پشتى هندەك شول و مولێن دى كرين گازى هەميان كر رابن سه ر تێشتێ بخون، دەمێ هەمى حازر بوين دەست ب خارنا تێشتێ كر، دبەر را هزرا عەيشێ يا جيرانا خو دكر، چەوا دشێت هەتا ئێڤارى یا نڤستى بيت و زاروكێن وێ بێ خوارن بچنە قوتابخانێ، و دسەرێ خودا دگوت ئەز ژنە كێ ژى بو كورێ خو بينم دڤێت وە كى من بيت نە وه كى وێ، ژ نشكەكێڤه دەنگەكێ بلند گازى كر دادێ..دادێ..دێ رابە ژ خەو ئێڤارە ئەڤرو كەژى تە ئەم بێ فراڤين هێلاين، بەرسڤا وێ دا و گوت: بيژه بابێ خو بو مە بيتزا دگەل خو بينيت، تله فونا وێ ڤەكر ديت فەيس بوك يێ ڤەكريه و وێنە يێ ژنەكا ب جلێن كوردى نانى چێ دكەت لسەربوو، تلەفون دانا و گوت ..پاش دێ بيە عەيشێ يا جيرانا مه.