فرانز کافکا
وەرگێران بۆ کوردی : ھوشەنگ فاروق
ل بەرامبەر دادگەھێ دەرگەھڤانەک ڕادوەستیت . ئەڤ دەرگەھڤانە دبینیت کو ئەڤە زەلامەکە یێ ژ گوندی دھێت و دخوازیت کو بچیتە ژوور . لێ دەرگەھڤان دبێژیت کو ئەو نە شێت ل وی دەمی ڕێکێ بدەتە وی کو بچیتە ژوور . زەلام وەسا ھزر دکەت کو ئەو نەشێت بچیتە ژوور و پاشی پرسیار دکەت کا دێ ئەو شێت ل دەمەکێ دی دا بچیتە ژوور یان نە . "دبیت , " دەرگەھڤان دبێژیت , "لێ نە نوکە ". ژ بەرکو دەرگەە دمینیت ڤەکری, وەکی ھەرجار , و دەرگەھڤان ل ئالیەکێ ڕادوەستیت , زەلام خوە دچەمینیت و ب ڕێیا دەرگەھی ل ژوور ڤە دنێڕیت . و دبینیت کو دەرگەھڤان یێ دکەتە کەنی و دبێژیت : " ئەگەر تۆ پڕ یێ ڕژد بی کو بچییە ژوورێ , پێ ل بڕیارا من بدانە و ھەرە ژوور . لێ باش بزانە : ئەز پڕ یێ بھێزم . و ئەز ئێکم ژ گەلەک دەرگەھڤانان . ژ ھوڵەکێ بۆ ئێکا دی ئێک ل دویڤ ئێکێ دەرگەھڤان یێن دریَِزن , ھەر ئێک ژ ئێکێ دی بھێزترە . دەرگەھڤانێ سیێ ھندێ ب ترسە خو ئە ز نە وێرم ل سەروچاڤێن وی ژی بنێرم " . ئەڤ ئەو تەنگاڤی نە یێن کو زەلامێ ژ گوندی ھاتی قەت چاڤەرێ نە کربن : زەلامێ یاسایێ , ھزر دکەت , کو پێدڤییە ئەو یێ کاریگەر بیت ل سەر ھەر کەسەکێ و ل ھەر دەمەکێ , لێ ھەروەکی زەلام نوکە ژ نێزیک ڤە ل دەرگەھڤانێ خودانێ چاکیتێ پیستی د نێڕیت , دگەل دفنا وی یا تیژ و مەزن و ڕیھێن وی یێن درێژ و ستیر و ڕەش ب شێوەیەکێ ب ترس , زەلام بڕیارێ ددەت کو باشترە بمینیتە ل ھیڤیێ ھەتا موھلەتا چوونا ژوور وەردگریت . دەرگەھڤان کورسیەکا بچیک ددەتەڤ زەلامی و ڕێ ددەتە وی کو ل ئالیەکێ دەرگەھی ب ڕینیتە خوار . ل وی جھی زەلام د ڕوینیتە خوار ژ بۆ ڕۆژ و سالان . ئەو گەلەک ھەولان ددەت کو بچیتە ژوور , و ئەو دەرگەھڤانی ماندی دکەت ب ھەولێن خوە یێن بێزارکەر . دەرگەھڤانی زوور جاران دانوستاندنێن کورت دگەل وی دکرن , پرسیار ژ وی دکر سەبارەت ب مالا وی و گەلەک تشتێن دی , لێ ب شێوەیەکێ کێم تەرخەمی پرسیار ژێ دھاتنە کرن , ھەروەکی لوردێن مەزن بۆ ئامادەکرینە , و ھەردەم ب ئاخفتنا کو ئەو ھێشتا نەشێت بچیتە ژوور بدوماھی دھاتن . ئەو زەلامێ کو گەلەک تشت ژ بۆ گەشتا خوە دگەل خوە ئینابوون , ھەر تشتێ وی ھەی ھەمیێ دکەتە قوربان, ب ھەر چ بھایەکێ بیت , داکو بەرتیلان بدەتە دەرگەھڤانی . دەرگەھڤان ھەمی تشتان وەردگریت , لێ ھەردەم دبێژیتە زەلامی : " ئەز ڤان وەردگرم بتنێ دا تە ژ ھزرا کو تە ھەر تشت لا برییە دویربێخم " . ب درێژاھییا ڤان ھەمی ساڵان زەلام سەرنجا خوە بشێوەیەکێ بەردەوام ل سەر ڤی دەرگەھڤانی خورت دکەت . و زەلام دەرگەھڤانێن دی ھەمییا ژ بیر دکەت , و ئەڤ کەسە ئێکەمین کوسپە کو ڕێکێ ل وی د گریت ژ بۆ کو بچیتە د دادگەھێ ڤە . ئەو ب ئازایانە و ب دەنگەک بلند نەفرەتان ل شانسێ خوە یێ نە باش یێ ڤان سالێن دەستپێکێ دکەت : پاشی , وەکی کو ئەو دانعەمر دبیت , ئەو بتنێ سکاڵایێ ل خوە دکەت . ئەو وەکی زاروکان لێ دھێت , و ژبەر وێ بھیڤی بوونا وی یا کو ئەو ب بدرێژاھییا ساڵان ل گەل دەرگەھڤانی وا ل وی زەلامی کرییە کو خوەە کێچێن دناڤ چاکیتێ پیستی یێ دەرگەھڤانی دا ژی بنیاسیت , ھەروەسا ئەو ھیڤییان ژ کێچان ژی دکەت کو ھاریکارییا وی بکەن و ھزرا دەرگەھڤانی بگوھرن. ل پەی درێژی یا دەمی چاڤێن وی دەست ب کێمیێ کرن , و ئەو نزانیت کا دونیا ب دروستاھی تاری بوویە یان چاڤێن وی یێن فێلبازیێ ل وی دکەن . ل گەل تاریبوونا خوە ئەو ھەر یێ ئاگەھدارە ژ وێ ڕۆناھییا بەردەوام یا کو ژ دەرگەھێ دادگەھێ دچیت . نھا وی گەلەک دەم نینە کو بژیت . بەری ئەو بمریت , ئەو سەربورێن کو وی ب درێژاھیا سالان ھەین د سەرێ وی دا ھەمی د ئێک خال دا خوە کوم دکەن , پرسیارەک کو ھێشتا وی ل دەرگەھڤانی نە پرسیە . دەستێ خوە ژ نێزیک ڤە دھەژینیت , چونکی ژ نھا پێدا ئەو نەشێت لەشێ خوە یێ ڕەق بووی ب لڤینیت . ل سەر دەرگەھڤانی پێدڤییە خوە ژ بۆ ئالیێ وی زەلامی ڤە ب چەمینیت , جوداھییا دناڤبەرا گرانی یا وان ھەردوو یان دا گەلەک خرابیێن زەلامی گوھرینە . " گەلو تو نھا دخوازی چ بزانی ؟ " پرسیارا دەرگەھڤانی دکەت : " تو قەت تێر نابی " . "ھەمی کەس خەباتێ دکەن ژ بۆ کو بگەھنە دادگەھێ " , زەلام دبێژیت , " چاوا چێدبیت کو ب دریژاھییا ڤان ساڵان کەسەکێ ژ بلی من ھیڤی ژ تە نە کربیت کو بچیتە ژوور؟ " . دەرگەھڤانی زانی کو زەڵام یێ بەرەڤ دوماھییا خوە د چیت , و ,ژ بۆ کو ڕێ بدەتە ھەستێن خوە یێن لاواز کو پەیڤان ببێژن , ل بن گوھێ وی دکەتە ھەوار: " چ کەسێ دی چ جارا نە شیایە ل ڤێرێ بمییت , ژ بەرکو ئەڤ دەرگەھە بتنێ ژ بۆ تە ھاتییە دروستکرن . ئەز دێ نوکە وی گرم " .
ليست هناك تعليقات:
إرسال تعليق