ئه‌ز بتنێ د مه‌شیام وه‌کو ئه‌وره‌کێ
یێ کو ل وێ بلنداهیێ ل سه‌ر ده‌شت و گران دگه‌ره،
ل وی ده‌می من کۆمه‌ک،
کۆمه‌له‌یه‌ک ژ نێرگزێن زێرین دیت؛
ب ڕه‌خ ده‌ریاچه‌یێ ڤه، ل بن داران،
ل گه‌ل بایێ شه‌مال سه‌مایێ دکه‌ن و د له‌رزن.
هه‌روه‌کو ستێران کو به‌رده‌وام د برسقن
و د ته‌یسن ل ناڤ کۆما ستێران،
ل هێله‌کا بێ داوی ڕێز بوونه
ب درێژاهیا ئالیێن که‌ناره‌کی:
من ب دیتنه‌ک کورت ب ده‌هان هزاران نێرگز دیتن،
سه‌رێن خوه ب سه‌مایه‌کا خوه‌ش د هه‌ژینن.
پێلێن ب ڕه‌خ وان ڤه یێن د له‌یزن، لێ ئه‌و
ب سه‌ر به‌لگێن بریسقه‌دارێن د که‌یفێ دا سه‌ردکه‌ڤن؛
هه‌لبه‌ستڤان ژ بلی که‌یفخوه‌شیێ هه‌ست ب چ تشتێن دن ناکه،
ل ناڤ ڤێ خوه‌شیا پڕی که‌یف!
من ته‌ماشه‌کر و ته‌ماشه‌کر لێ من پیچه‌ک هزرا خوه کر
ئه‌ڤ چ نماییشه‌ک ب بهایه بۆ من هاتی:
گه‌له‌ک جاران، ده‌ما ئه‌ز ل سه‌ر قه‌نه‌په‌یێ خوه درێژ دکه‌م
ل وی ده‌مێ ئه‌ز بێ کار یان د هه‌وه‌سه‌کا نقوم بووی ژ هزران دا،
ئه‌و د هێن ل به‌ر چاڤێن من یێن گرتی
یێن کو که‌یف خوه‌شن ب ته‌نهاییێ؛
و پاشان دلێ من پڕ دبه ژ که‌یفێ،
و ل گه‌ل نێرگزان سه‌مایێ دکه
ولیام وورد وورث
وەرگێران :هوشەنگ فارووق
ليست هناك تعليقات:
إرسال تعليق