ھونەر و مرۆڤایەتی دێ بسەرکەڤن
ستار عەلی
ئەڤرۆ تەڤایا جیھانێ روی ب روی مەترسیەکا مەزن بوویە ئەوژی مەترسیا پەژیکێ ڤایروسێ کۆرۆنایێ یە، کو چەندین بوچۆن ھەنە لسەر پەیدابوون و بەڵاڤبوونا ڤی ڤایروسی:
شەرەکێ ئابووری- سیاسی- سەربازی یەدناڤبەرا زلھێزێن جیھانێ دا بتایبەتی دناڤبەرا ئەمریکا و چینێ دا، شەرەکە بەلێ نە ب چەکێن کلاسیک دھێتەکرن بەلکو ب چەکێن بایولوجی و ئەڤــ ڤایروسە دەستکردە و دڤی شەریدا دھێتە بکارئینان.
ئەنجامێ دەستکاریا مرۆڤی یە د خەزایێ دا و تێکدانا بەلەنسا وێ یە.
پەژیکەکە یانژی پەرسیڤەکا وەرزی یە ھەر ساڵ زڤشتانێ دھێت و ل دوماھیکا سەرمایێ ئو پەژیک دچیت، لێ ڤێ جارێ ئەڤـ ڤایروسە دژوارترە و دبیت دروستکریێ ژڤان زلھێزا بیت و دبیت ژی ڤایروسی خۆ گھوریبیت لدویڤ سەقای.
لێ ھەرچاوابیت ب بخابنی ڤە ھەرێما کوردستانێ ئەڤرۆکە کەتیە بن ھەرەشەیا ڤی ڤایروسێ مەترسیدار و جھێ خوشحالیێ لایەنێن پەیوەندیدار زوی خەم ل ڤێ چەندێ خار و دەست ب پێرابونێن پێدڤی کر مینا ئاڤاکرنا خەستەخانێت تایبەت بو ڤەگرتیێن ڤی ڤایروسی و دەرئێخستنا رێنمایێن پێدڤی، رێنماییا ژ ھەمیا فەرتر و گرنگتر ئەوە مرۆڤ د مالدا بمینیت و خۆ بپارێزیت و تاقیکرنا چینێ باشترین نموونەیە، لەو پێدڤی یە و ئەرکە ئەم ھەمی د پێگیربین بتایبەتی کەسێن رۆشنبیرو ھونەرمەند و نڤیسکار و ھەرئیک دەست ب پروژەکی بکە، خەلکێ دیژی دکاریت پەرتوکا بخوینیت و فلمێ سینەمایێ ببینیت و خۆ فێری زمانی بکەت یان ھەر ئارەزوویەکا دی وی ھەبیت ئەنجام بدەت، بەلێ ئەم دکارین ڤی دەمێ ئەم دمالڤە ژ کەسێن بێکار و بێزار ببینە کەسێن بەرھەمدار.
- من بخۆ بریاردایە ڤان چەند رۆژان ھەتا بدوماھیک ھاتنا ڤێ رەوشێ چەند رۆمانەکا بخوینم و پاشی چەند کەڤالەکا وێنەکەم کو ببیتە ھێڤێنێ پروژەکێ ھونەری.
بەلێ ھونەر چەکە، ھونەر چارەسەرە، ھونەر ھیڤی یە
بەلێ ھونەر دێ بسەرکەڤیت
بەلێ مرۆڤایەتی دێ بسەرکەڤیت
ليست هناك تعليقات:
إرسال تعليق