فیودۆر دۆستۆڤسکی (١٨٢١-١٨٨١)
بەرهەڤکرن : دلشاد حەسەن
نڤێسەرەکێ ڕوسی یە، بەلێ ژ بەر مەزناهییا ڕۆمانێن وی ب نڤێسەرەکێ جیهانی دهێت نیاسین، فیودۆر میخائێلوڤیج دۆستۆڤسکی ل سالا ١٨٢١ ل موسکو ژدایک بویە.
بابێ وی نوژدار بو .
ھەر ل وێ نەخوەشخانا کو بابێ وی نوژداری دکر ئەو ل وێ نەخوەشخانێ ژدایک بو، د تەمەنێ زارۆکی یێ دا ژیانەکا گەلەک نەخوەش بووراند، بابێ وی ژ ئەگەرێ دەست کورتیا خوە، هەمی خەم و ئێش و ژانێن خوە د ویدا دەرتێخیت، هەتا وێ ڕادەیێ گەلەک کەرب ژ بابێ خوە ڤەدبن، هەر وەکی د ڕۆمانا خوە یا "برایانی کارامازوف" دا، دبێژیت "ئەرێ ما ئێک ژ مە هەیە نەڤێت بابێ وی بمریت" هەر وەسان وی ب خوە ژی داخوازا مرنێ بوو بابێ خوە دکر، ل تەمەنێ ۱۷ سالییێ دایکا وی دمریت، پاشێ بابێ وی خانە نشین دبیت و کارێ چاندنێ دکەت، هەر وەسان چەند پاڵەیەک ل دەڤ بابێ وی کار دکەن، بەلێ سەرەدەریا وی یا خراب دگەل پاڵەیێن وی دبیت ئەنجامێ وێ چەندێ کو ل سالا ۱٨۳۹ ب دەسێن پاڵەیێن خوە دهێتە کوشتن، د سەر ڤییانا مرنا بابێ خوە ڕا، ب گەهشتنا ئاگەهداریا مرنا بابێ خوە، ژیانا وی دهێتە گوهورین و دۆزەخ دەڕگەهێن خوە لێ فەدکەت، هەر وەسان نەخوەشییا وی یا تەپێ ب ئەگەرێ ڤێ چەندێ دەستپێ دکەت، خوشکاوی د دەت دیارکرن د نڤێسینەکێ دا کو ئێکەم جار تەپ هاتیە دۆستۆڤسکی ل سالا ۱٨۳۹ بوو ل دەمێ گەهشتنا ئاگەهداریا کوشتنا بابێ وی.
ليست هناك تعليقات:
إرسال تعليق