ژنێن کورد داپوشەرێن خەلیجی کرینە ستایل و مودێل
نڤیسین : هێلان چیا
بۆیە ستایلەک ل دەڤ ژنا کورد، جاران گاڤا ئەز دەردکەڤم جهێن گشتی مینا بازاری ژنا کورد دبینم ب داپوشەرەکێ مینا(حیجاب،عەبایێ خەلیجی)،شاش دمینم و بێزاریەک لدەف من خۆیا دبت،دبێژم دا چەندا جوان بیت شونا ڤی رەش پوشی کراس و فیستانا خو خەملاندبا نە من یەک ژن تەنێ ب جلێن کوردی نە دیتبا و ببا جهێ سەرسورمانێ ژبۆ من و دەردورێن من،ئەرێ رێکخراوێن ژنا کارینە چ بکەن گەر ئەو بخوە وەک ژنەک کورد نەکاری بن خودی چاندا خوە و سروشتێ خوە دەربکەڤن، بەرەڤانیکرن ژ مافێ ژنئ چیە؟
تەنێ سەرەدانا ئێک دوو و وێنە بۆ نمایشکرنێ و کوێلایەتیا ئالیەکێ سیاسی، گەر نەکارن چ بکەن بلا برینن خوار و خزمەتا مالا خوە بکەن، بەلکو ژن بێ وان بکارن خوە ئاڤا بکەن و چاند و وێژە و خوەزایێ خوە ب پارێزن نە ببن کولەیێن عەرەب و ترک و فارسا، ژنێن کورد پەروەردا چیا و دەریایانە نە ئەرەبێت بیابانا و نە کوێلێن ئەرەبستانا و هندو ئوروپیانە،ژن سەردارا پەروەردا بونەوەرانە ژنا کورد ستارە ئەدول و ئیناکایە خوداوەندا حەزکرن وجوانی و خوەزا و مروڤاتیێ یە،مرواریێن ئوقیانوس و گولێن سەر شاخ و چیایانە،ژبلی ئولی ئەو بنەما و یاسا و دسپلینێن هاتین دانان لسەر داپوشینا ژنێ، کاپیتالیزمێ ژی ژن ب کارئینایە د نمایشکرن و ستایلێن جل و بەرگان و ژن تەسلیمی خۆە کرینە،کە ژن بێ دراف نەشێت درەوشەکا ئارام و بەختەوەر دا بژیت.
ئەڤ کلتورێ پەردەپوشیێ و وەلاتێن دەوروبەر کوردستان ب چاند و خوەزا ڤە کونوڵیاڵ کریە،و مەژی بخۆ ب لیگالیزم زانیە،ب کارئینانا کلتورەکێ بیانی مە کریە شارستانیەت و مودرێنیەت،ئەرێ چاندا مە ب کیدەرێ ڤە چۆ ؟چ بها و پیرۆزیا خۆ مایە بتنێ هنەک روژێن تایبەت دا نەبن مینا جەژن و سەرسالێن کوردی،هەیا چ رادە دوژمن کاریە مە بن دەست بکەت،ئەڤ پەردەپوشیا ئەم باس ژێ دکەین ل سەردەمێ ئاشوریان دا هەبو کو مینا بنەما و پەرگالان بو خۆوە دزانی و فەرمانرەواییا خو پێ دکر،هەروەسان دوی دەمی دە د مێزوپوتامیا یێدە ژنێن وان دڕۆت بون و بێ پوشاک بون و کە بەتنێ پارچە پوشاکەک هەبۆ کو تەنێ لاشێ خوە پێ ڤەدشارت.
هەیا بویە سەردەمێ ئیسلامەتیێ کو ئەو ژن ژی د ڕۆت بۆن و پشتی هاتنا خوارا پەروتوکا(قورئان)دا پەیامەک ژ بۆ (محمد)هات، تێدا خۆیا کربۆ کۆ ژنێن تە بلا خۆ راپێچن،لێ دوی سەردەمێ ئاشوریەتێ ژی دا، شارستانیەتا کوردی هیچ ئەلاقەتەک پێڤە نەبوو و ژنێن کورد کەلتۆرێ وان شەلواڵ و دەسماڵ و قەمیس بون و هەیا ساڵێن دوڕا بۆن کراس و فیستان،واتە چاندا مە ددیروکێ دە بێ پەیدابونا ئول و مەزھەبان ژن دبێ پەردەپوش و راپێچایی بوون،ل ڤر گەر ئەم باس ل روژ ئاڤایێ کوردستانێ بکەین، تاکە پارچەیە ژ کوردستانێ تەسلیمی پەردەپوشیێ نەبوینە گەر هەبن ب رێژەکا کێمن،کۆ روژئاڤا پارچا هەرا بچیکە، لێ پشتی بجهبونا فکرا کومونیزمێ، ئەڤ یەک ب دەرفەت زانی روژئاڤا کۆ لیبڕاڵ بن و یوتوپیایەکێ ئاڤا بکەن ل کوردستانا روژئاڤا، کە هەیا نها ئەو فکر بویە شوپەک و بەردەوام دکە،لێ بەروڤاژی روژهەلاتا کوردستانێ هیچ جارەکێ ناهێت قەبول کرن کو چاندەک بسەر دەسهەلاتێ و یاسا و بنەما یێن ئیرانێ بکەڤیت، کو ژنێن کورد نە بتنێ د داپوشینێ دا دئازاد نینن بەلکۆ هەناسەیا وان ل ژێر یاسا و دادگەهێن فارسانە.
دیسان باکورێ کوردستانێ ژن برێژەکا هەری زۆر خۆ ب حیجابێ د داپوشن وچاندا ئوسمانیان لسەر وان زاڵبویە،کو ئەردوگان ب رێیا هەڤژینا خوە و کومپانیێن وێ کو ئەو موتیفیا وێدکە ل تورکیا، کومپانیێن وئ لقێن خوە ل باشورێ کوردستانێ ژی ڤەکرینە وب ئالیکاریا بازرگانیەتێ ب هندەک پارتێن سیاسی کارینە پێتر پارڤە بکەن، نەتەوە و چاند و ئولێ خوە لسەر نەتەوەیێن مینا کوردان پێشبێخیت و ب سەپینیت،کوردستان ب چاند و خوەزا ڤە تەسلیمی تورکی و سیستەم بنەمایێن وان ببیت.گەر ئەم باس ل باشورێ کوردستانێ بکەین،کو پارچەکا ئازاد و میناک دزانین و دکەین سیمبول ژبو گەلێ کوردستانێ و دشیانێن ڤێ پارچێ دایە ژن پێتری هەر پارچەکا دیتر خوە ژنا کورد تێدا ببینیت ب زمان و وێژە و چاندڤە،لێ د هەقیقەتێ دە باشورێ کوردستانێ پێتری پارچێن دن چاندا ئەرەبی و تورکی و فارسی لسەر زاڵ بویە.
ئەڤ یەک ب کێمتر خەمیا رێکخراوێن ژنا و جڤاکێن مەدەنی وسازیێن میری و بازرگانێن نە نیشتیمان پەروەر،ژن ب ڤی ئاوای رادەستی داپوشەرەک ب ناڤ عەرەب و فارس و تورک کریە، ژنێن ب ڤێ فکرێ کۆ خۆ ب حیجاب و عەبایێ خەلیجی دخەملینن،وسا دفکرن کو ژن تەنێ ژبو جەسەدێ وێ و سێکسی هاتیە ئافراندن و هاتیە هەبونێ ژیانەک تاری وەک وی داپوشەری وسرۆشتەک نەشرین خوە د داپوشیت، کو ئێدی تو قەبیل دکەی ببی ژنا دوێ و سیێ و چوارێ ،هون یێ چاندا وەلاتێ خۆ بن پێ دکەن،بێ گەوهەر تنێ نمایشکرنا جەسەدئ خوە لبن دابو نەریتێن دەردورێن خوە ڤەدشێرن.
هزر ژبۆ تە و چاند و دابونەریتێن تە نایێ کرن،بتەنێ ژبۆ وی داپوشەرێ تە تێت کرن ئەوێ تە خو پێ داپوشی،وکاپیتەلیزمێ هون ب هەمو ڕەنگان دەستەبەرداری خۆ کرن،هەیا کو کولاڤێن گیڤارای ژی وێنێن وی لسەر دانان،بێ کۆ خەلکەک بزانیت کا چ شورەشگێرەک بۆ کاپیتەلیزمێ مرنا گیڤارای ژی ئیستیسمارکر،ل داویێ دبێژم ژنێن کورد هون نە گوشتەک گەنی نە، نە گوھ درێژ و کولەیێن ئەرەبانە،خوە ب نرخینن کو هون ژنێن کوردن،خوە ئازاد بکەن هەم زارویێن خوە ژبەر ژن سەرچاوێ پەروەردەیا جڤاک و گشت مروڤانە.
ليست هناك تعليقات:
إرسال تعليق