موسولینی / هەر فکرەکا بڤێت خوە د ریالیستی دا ب سەپینێت پیدڤی ب هێزێ یە .
ئەم نەشێن بێژین تەنها ئەڤ ئەقلیەتە گرێدای فاشیزم و نازیزمێ یە ژبەرکو " هێز " گەر چ وەک کومکری دناڤ دەستێن دەولەتێ دا وەک گروپەک ژلایێ فەلسەفا مارکسیزمێ هاتیە رەت کرن لێ د د هەمان دەمدا ژبوو سەرکەتنا چینا پرولیتاریا هێز ب چاڤەکێ پیروز دهێتە دیتن . دبە د وارێ روحیەتا شورەشگێری دا جێوازیەک مەزن هەبیت دناڤبەرا بزاڤێن مارکسیست و فاشیزم و نازیزمێ وەک دوهێزێن روخینەڕ و مەترسیدار دووڕ ژ گیانێ شورەشگێریێ ل سەر بنەمایەکێ راسیونال و ڤەگوهاستنا گەلان ژ قوناغەکا مێژویێ بو قوناغەکا پێشکەتی تر . لێ وەک ماوتسی تونگ ژی دبێژیت :" (گوهارتنا دەسەلاتا سیاسی تەنها ب لوولیا تەڤنگێ دهێتە گوهرین ) یانی هەر فکرەکا بڤێت خوە د کومەلگەهێ دا بسەپینیت هێز ژێرا پێدڤییە . بەروڤاژی مەهالە . هەرچەند هنەک بالێن چەپ رەو بەروڤاژی ڤێ ئەقلیەتێ بوون ژبوو گوهاڕتنا ریالیستی یان گەلان بەرف پێشکەتنێ .
لێ تا نها ژی ئەڤ ئەقلیەتا ل پشت لووڵیا تڤەنگێ بەردەوامە . نەخاسمە پشتێ بووهارا ئەرەبی گەرمو گورتر لێ هات د روژهەلاتا ناڤین دا و رێکخراوا تیرورستی یا بناڤێ داعش بو سەرکێشا ڤێ ئەقلیەتێ لێ نە د تێگەهێ مارکسیزمێ بەلکو د تێگەهێ فاشیزم و نازیزمێ دا کو روخینەرن و دورن ژ هەمی پرەنسیپێن شورەشگێریێ ب تێگەهێ رزگارکرنا گەلێن بندەستێ ئیمپریالیزمێ ،
ئەم چاوا د ڤێ ئەقلیەتێ گەهشتینە ؟
ئەم نەشێن بێژین وەک فاشیزمێ نازیزمێ و داعش د ڤێ ئەقلییەتێ گەهشتینە لێ ئەم نکارین بێژین ب رحەکا شورەشگێری ژی مە فێم کرییە . ژبەرکو هەردەما هێز ب هەمی ئالیێن خوەڤە کەتە بن دەستێ گروپەکێ د کومەلگەهێ دا یان لایەنەکێ ل وی دەمی دبە بەلا سەرێ کومەلگەهێ نەک بەروڤاژی ژبوو پێشکەتن و ڤەگوهاستنا وێ کومەلگەهێ ژ قوناغەکا ئاسێ بەرف ڤەبینەکا ریهـ و ریشالی . بەروڤاژی ژبوو خوە سپاندنێ وێ گەلەک تراژیدی و دەردەسەریا دگەل خوە ب ئافرینیت . لەورا د روژهەلاتا ناڤین دا هەر لایەنک چ شورەشگێر چ دەسەلات دار ژ ئەقلێ پشت لوولیا تڤەنگێ ب تێگەهێ دەربازکرنا گەلان ل ژێر زورداریێ نەبوویه . بەروڤاژی هەرتم مەرم ژ هێزێ ژبوو خوە سەپاندنێ بوویە و تەنها دوبارەکرنا سەروچاڤا وەک وێ گوتنا بیرمەندێ مەزنێ ئەلمانی " نیچە " کو دبێژیت :" (ئیبراهیم چ سادە دل بوو ژ شکاندنا صەنەما لێ بێ کو هزر دهندێ دا بکەت هزر هەر مایە نەهاتیە شکاندن ) و ل دەرڤەی ئیدولوژی و فکرو بیروباوەرێن خوە دەرفەتێ ژبوو وەرارا ئەقلێن جێواز رێکخراوێن جێواز پارتێن جێواز د پروسسەکا دیموکراسیێ دا نادەن . هەردەما هێزەک. لایەنک ، جێواز ببە خوەدان جەماوەر یان باندور ئیدی رەوش بەرف کارەساتێ دچیت و هەڤرکییەکا دژوار چێدبیت دیر ژ گیان و ڕوحا پێکڤەژیانا سیاسی . ئەڤ شێوەیێ ئەقلیەتێ چ جار نەشێت ببیتە خوەدی سیستەمەک مودێرن وەک دیموکراسی لیبرالی علمانی بەروڤاژی یان وێ بەرف دکتاتوریەتەکا رەها بچیت یان ژی بەرف سیستەمێ چەتەگری دچیت ( هێلیپتوکراسی )
کو ژبوو کونترول کڕنا دەسەلاتێ گەندەلی وەک سیستماتیک دهێتە پەیرەوکرن ژ هێژاترین سازییا حکومەتێ بگرە هەتا دگەهە پیروزترین تشتێ کومەلکەهێ کو خێزانە . د ڤێ سیستەمی دا ئیدی ئیرادە . چ وەک تاک چ ژی وەک گەل دهێتە دزین و ژناڤ برن کو ئیدی هەرکەس پێخەمەت بدەست خستنا نانێ ژیانێ هزر دچ تشتەک دن دا نەکەت . نە وەلات . نە گەل . نە ژی مروڤ و مروڤ بوون .
ل ڤر ژی تشتەک نامینیت ب ناڤێ ئیرادە گەل کو ببیتە خوەدی فشار و هێز . کو ئەڤ ژی نەک تەنها دبە کارەسات ل سەر ئاسایشا نەتەوی بەلکو بخوە دبە ئیش بو تەڤ مروڤایەتیی وەک کو نها چەندین دەولەت ل ئەفریقیا و روژهەلات بوونە ئیش نەک تەنها ژبوو گەلێن خوە بەلکو ژ ژبوو جیهانێ بتەڤاهی .
لەورا ل گوری من و هەلسەنگاندنا ڕەوشا نها یا سیاسی ئەز پشت راستم کو ئەم ژی هێشتا د ئەقلێ پشت لوولیا تڤەنگێ وەک رزگارکرنا گەل و روحا شورەشگێریێ و بەرخودان ژبوو هەبوون و مانێ نەگەهشتینە ، بەلکو هەمان ئەقلێ خوە سپاندنێ هنەکێ زالە و مەترسیدارە . کو پێکا قەلەرەشێ ل گوری کەلتورێ مە د رێدایە ،
ئارمانج گوهەرزی
ليست هناك تعليقات:
إرسال تعليق