من نڤیسیبوو پرسیاره‌ک بۆ ره‌وشه‌نبیران، گه‌له‌کان ژ به‌ر زاراڤێ "ره‌وشه‌نبیر" ده‌را خوه نه‌دیتن به‌شدار ببن، له‌ورا ڤێ جارێ ئه‌ز دێ هنده‌ک هه‌ڤالان هلبژێرم و ب سوپاسی ڤه پرسیارا نیرینا وان کم ده‌ربارێ پرسیارێ:
...................................................................
سیاسه‌تا ده‌وله‌تێن مه‌زن ژ ئالێ هنده‌ک که‌سانێن ره‌وشه‌نبیر دهێته دارژتن هه‌روه‌ک فرانسیس فۆکۆیاما و سامۆئێل هنتنگتون و ئه‌ڤه پره‌نسیپێ به‌شداریکرنێ بۆ مه دیار دکت، کو دبێژنێ ره‌وشه‌نبیرییا به‌شداریکرنێ. ل رۆژهه‌لاتا ناڤه‌راستێ، هه‌روه‌سان ل کوردستانێ، پره‌نسیپێ به‌شداریکرنێ ب تایبه‌ت د بیاڤێ سیاسی ده، ب به‌هانه‌یا بێلایه‌نیێ، بوویه قوربان. وه‌سان، نه به‌شداریکرن په‌یدا دبت نه ژی سه‌رخوه‌بوون دمینت و ل جهێ وان دوو ستاتۆیێن دی په‌یدا دبن: یا ئێکێ مه‌ندبوون، یا دوویێ ژی بزاڤه‌کا لاواز.
مه‌ندبوون وه‌کو ئاسته‌کێ نێگه‌تیڤ، ئه‌وه ره‌وشه‌نبیر، وه‌کو بوونه‌وه‌ره‌کێ ڤه‌ده‌ر ژ جڤاکی دهێته دیتن، ل جهێ هزرێ و پرۆژان، ئه‌و ڤه‌ده‌ر دبت، په‌نایێ بۆ وه‌هم و فانتازیایێ دبت، د جهێ خوه ده داخویانییان ددت، هه‌ر بوویه‌ره‌کا هه‌بت راڤه و ئانالیز دکت.
بزاڤا لاواز ژی وه‌کو ئاستێ پۆزه‌تیڤ، ئه‌وه کو زێده‌باری راڤه و ئانالیزێ، هنده‌ک جاران ره‌خنێ ژی دگرت ب تایبه‌ت ل مێتۆدێن سه‌ره‌ده‌ریێ و ئالاڤێن چاره‌سه‌ریێ، به‌لێ بێ کو ژ جهێ خوه بلڤت و هه‌گه‌ر لڤی ژی ب تنێ دا ئیحراج نه‌بت.
نڤیسین :سەبری سليڤانەی
ليست هناك تعليقات:
إرسال تعليق